Jyl basynan beri Ózbekstan ekonomıkasy 6,4%-ǵa ósti

<p>TAShKENT. KAZINFORM &ndash; Birinshi jartyjyldyqta Ózbekstannyń jalpy ishki ónimi (JІÓ) 6,4%-ǵa ósti. Bul týraly Shavkat Mırzıeevtiń tóraǵalyǵymen ótken ekonomıkalyq damý kórsetkishteri jaıly keńeste málim boldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Ózbekstan basshysynyń aıtýynsha, birinshi jartyjyldyqta Ózbekstannyń JІÓ 6,4%-ǵa ósti. Byltyr osy aralyqtaǵy ósim 5,6% shamasynda bolǵan.

Shavkat Mırzıeev atap ótkendeı, jyl basynan beri ónerkásip - 7,8%, qurylys - 10,1%, qyzmet kórsetý - 12,9% jáne aýyl sharýashylyǵysalasynda 3,8% ósim baıqaldy.

Al bıýdjettiń kirisi 14%-ǵa artyp, 113 trln sýmǵa (4,2 trln teńge) deıin ulǵaıdy. Ekonomıka jáne qarjy mınıstrliginiń málimetine saı, osy aralyqtaǵy shyǵyndar 149,8 trln sýmǵa (5,6 trln teńge), bıýdjet tapshylyǵy 36,8 trln sýmǵa (1,3 trln teńge) jetti.

Birinshi jartyjyldyqta eldegi kapıtaldyń jalpy aǵyny 229 trln sým (8,5 trln teńge) boldy. Onyń 15,5 mlrd dollary sheteldik ınvestıtsııalar.

Prezıdenttiń sózinshe, jyl basynan beri quny 3,5 mlrd dollar bolatyn 3 myń joba iske qosylyp, 76 myń turaqty jumys orny quryldy.

Buǵan qosa, qańtar-maýsym aralyǵynda el boıynsha 18,6 myń jańa páter salynyp, paıdalanýǵa berildi. Sońǵy alty aıda 26 myń otbasy shamamen 7 trln sýmǵa (262 mlrd teńge)ıpoteka aldy. Bastapqy jarna men paıyzdyq mólsherlemeni jabý úshin 545 mlrd sým (20,4 mlrd teńge) sýbsıdııa tólendi.

Qosa ketsek, atalǵan keńes barysynda Ózbekstan prezıdenti ekonomıkalyq damýǵa selqos qaraǵan 10 hokımdi qyzmetinen bosatty.