Jyl basynan beri memlekettik eńbek ınspektorlary 43,6 myńnan astam jumyskerdiń quqyǵyn qorǵady

<p>ASTANA. KAZINFORM &mdash; 2024 jylǵy 1 qazandaǵy jaǵdaı boıynsha memlekettik eńbek ınspektorlary respýblıkanyń 260 kásiporny 17 myń jumyskerge 3,8 mlrd teńgege jalaqy boıynsha bereshek ekenin anyqtady. Sonymen birge túrli uıymdarda júrgizilgen tekserýler barysynda 6,9 myńǵa jýyq eńbek quqyǵynyń buzylýy anyqtaldy. Bul týraly QR eńbek jáne halyqty áleýmettik qorǵaý mınıstrligi málim etti.</p>

2024 jylǵy 1 qazandaǵy derekter boıynsha memlekettik eńbek ınspektorlary 4 338 tekserý júrgizdi, onyń barysynda 6 935 buzýshylyq anyqtaldy, onyń ishinde: eńbek salasynda – 5 119; eńbek qaýipsizdigi jáne eńbekti qorǵaý boıynsha – 1 750; halyqty jumyspen qamtý boıynsha – 66. Jumys berýshilerge 2 604 uıǵarym berilip, 331,2 mln teńge somasyna 3 134 ákimshilik aıyppul salyndy. Qabyldanǵan sharalardyń nátıjesinde 28 myń jumyskerdiń eńbek quqyǵy qorǵaldy.

Jalaqy boıynsha bereshegi bar kásiporyndardyń basshylaryna oryndaýǵa mindetti 222 uıǵarym berildi jáne 34,6 mln teńgeden astam somaǵa aıyppul salyndy.

Qabyldanǵan sharalardyń, onyń ishinde jalaqy boıynsha bereshekti óteýdiń qatań kesteleri men merzimderin belgileýdiń nátıjesinde 15,6 myńnan astam jumyskerdiń quqyqtary qorǵaldy. Olarǵa 3 mlrd teńge tólendi.

Budan basqa, eńbek zańnamasynyń saqtalýyna memlekettik baqylaýdy qamtamasyz etý máseleleri QR Eńbek jáne halyqty áleýmettik qorǵaý mınıstrliginiń erekshe baqylaýynda.

2024 jylǵy 1 qazandaǵy derekter boıynsha memlekettik eńbek ınspektorlary 4 338 tekserý júrgizdi, onyń barysynda 6 935 buzýshylyq anyqtaldy, onyń ishinde: eńbek salasynda – 5 119; eńbek qaýipsizdigi jáne eńbekti qorǵaý boıynsha – 1 750; halyqty jumyspen qamtý boıynsha – 66. Jumys berýshilerge 2 604 uıǵarym berilip, 331,2 mln teńge somasyna 3 134 ákimshilik aıyppul salyndy. Qabyldanǵan sharalardyń nátıjesinde 28 myń jumyskerdiń eńbek quqyǵy qorǵaldy.