Jyl basynan beri memleket menshigindegi 380 nysan satylǵan

<p>Qańtar-qarasha aılarynda memleket menshigindegi 380 nysan jekeshelendirýge berildi. Bul týraly QR Qarjy mınıstri Erulan Jamaýbaev aıtyp berdi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Mınıstrdiń aıtýynsha, Jekeshelendirýdiń 2021-2025 jyldarǵa arnalǵan keshendi josparynda 658 obektini satý kózdelgen.

«Bıylǵy qańtar-qarasha aılarynda 330 mlrd teńge somasyna 380 obekti satyldy jáne keıinnen satyp alý quqyǵymen senimgerlik basqarýǵa berildi. Taǵy 30 obekti satýǵa qoıyldy, 64 nysan qaıta uıymdastyrýǵa jáne taratýǵa jiberildi», - dedi Erulan Jamaýbaev Úkimettiń búgingi otyrysynda.

Sonymen birge, spıkerdiń aıtýynsha, 184-i satý aldyndaǵy daıyndyqta tur.

Buǵan deıin spıker qaı mınıstrlikter men oblystar bıýdjet qarajatyn ıgere almaǵanyn aıtqan edi.

Sondaı-aq memlekettik bıýdjetke 18,2 trln teńge túsken, jyl basynan beri jergilikti bıýdjetterge túsken kirister jospardan asyra oryndalǵan.