Jyl basynan beri kópbalaly otbasylar 390 mlrd teńgege jýyq járdemaqy aldy

<p>ASTANA. KAZINFORM &ndash; Jyl basynan beri kópbalaly otbasylarǵa beriletin memlekettik járdemaqymen orta eseppen 575,8 myń otbasy jalpy somasy 389,8 mlrd teńge mólsherinde qamtyldy, onyń ishinde qazan aıynda 570 myń otbasyna 41 mlrd teńge mólsherinde járdemaqy tólendi, dep habarlaıdy QR Eńbek jáne halyqty áleýmettik qorǵaý mınıstrligi.</p>

Bul memlekettik járdemaqyǵa birge turatyn 4 jáne odan da kóp kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar otbasylar tabysyna qaramastan úmitker bola alady.

Tólem mólsheri bala sanyna qaraı eseptelip tólenedi jáne 2024 jyly:

• 4 balasy bar otbasylarǵa — 16,03 AEK nemese 59 183 teńge;
• 5 balaǵa — 20,04 AEK nemese 73 988 teńge;
• 6 balaǵa — 24,05 AEK nemese 88 793 teńge;
• 7 balaǵa — 28,06 AEK nemese 103 598 teńge;
• 8 jáne odan da kóp balasy bar otbasylarǵa — árbir balaǵa 4 AEK nemese 14 768 teńge mólsherinde tólenedi.

2024 jylǵy 1 qańtardan bastap balaly otbasylarǵa taǵaıyndalatyn memlekettik járdemaqylardyń mólsheri 7%-ǵa artty.

Bıyl kópbalaly otbasylarǵa memlekettik járdemaqy tóleýge 474 mlrd teńge qarastyrylǵan.

Buǵan deıin habarlanǵandaı, múgedek jandarǵa zeınetaqy men járdemaqyny birdeı alý quqyǵy berile me degen saýalǵa Premer-Mınıstrdiń orynbasary Tamara Dúısenova jaýap berdi.