Jyl basynan beri Qazaqstannan Ózbekstanǵa baǵyttalǵan aqsha aýdarymdary $620 mln asty

<p>TAShKENT. KAZINFORM &ndash; Bıyl 9 aıda Ózbekstanǵa shet memleketterden túsken aqsha aýdarymdarynyń kólemi 34,8%-ǵa ósti. Bul týraly ÓR Ortalyq bankiniń tóraǵasy Mamarızo Nýrmýratov aıtty, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Qamtylyp otyrǵan aralyqta Ózbekstanǵa $11,6 mlrd aqsha aýdarylǵan. Byltyr sáıkes kezeńde ol $8,4 mlrd bolǵan edi.

Ortalyq bank tóraǵasynyń aıtýynsha, Reseıden túsken qarajat 35%-ǵa ósip, $8,75 mlrd teńeldi. Bul rette onyń jalpy aýdarymdar kólemindegi úlesi 77 paıyzdan 75,3 paıyzǵa tómendedi.

Ońtústik Koreıadaǵy eńbek mıgranttarynan $420 mln (+76%) tússe, 9 aı ishinde Qazaqstannan Ózbekstanǵa $625 mln aqsha aýdarymy jasalǵan.

Al AQSh-tan - $415 mln, Túrkııadan - $291 mln, Ulybrıtanııadan - $93 mln (+67%), Polshadan - $48 mln tústi. Sonymen qatar, Birikken Arab Ámirlikterinen jasalǵan aqsha aýdarymdarynyń kólemi 66%-ǵa ósti.

Qosa ketsek, buǵan deıin Ózbekstandyq eńbek mıgranttarynyń aqsha aýdarymdary jalpy halyq tabysynyń 16% teń ekenin jazyp edik.