Jyl basynan beri qazaqstandyqtar jedel járdem qyzmetine neshe ret júgingen

<p>ASTANA. KAZINFORM &ndash; Bıylǵy jyldyń qańtar-qazan aılary aralyǵynda Qazaqstanda jedel medıtsınalyq járdem brıgadalary 7 mln-nan astam shaqyrtýǵa barǵan, dep habarlaıdy Densaýlyq saqtaý mınıstrliginiń baspasóz qyzmeti.</p>

Ótken jylmen salystyrǵanda shaqyrtýlar sanynyń artýyna qaramastan, tabysty reanımatsııanyń negizgi kórsetkishi 7,1%-ǵa artyp, barlyq jaǵdaılardyń 51,7%-yna jetti.

«103»- ke shaqyrtý túsken sátten bastap patsıentke jetkenge deıingi jedel medıtsınalyq járdem brıgadasyna jetýdiń ortasha ýaqyty mynadaı normatıvke sáıkes keledi: jedeldiktiń 1-sanaty boıynsha – 9 mınýt, jedeldiktiń 2-sanaty boıynsha – 12,3 mınýt, jedeldiktiń 3-sanaty boıynsha – 17,9 mınýt, 4-sanat boıynsha – 24,3 mınýt.

Jedel medıtsınalyq járdem qyzmeti el boıynsha 20 derbes stantsııadan, 98 qalalyq kishi stantsııadan jáne 232 aýdandyq bólimsheden turady.

Oblystyq jáne qalalyq jedel járdem stantsııalarynda bir aýysymda 1 491 kóshpeli brıgada jumys isteıdi, respýblıka boıynsha shuǵyldyqtyń 4-sanatyndaǵy shaqyrtýlarǵa qyzmet kórsetý úshin MSAK uıymdarynyń janyndaǵy jedel medıtsınalyq járdem bólimshelerinde 446 brıgada jumys isteıdi.

Astana, Almaty, Shymkent qalalarynda jáne 17 oblysta shaqyrtýlardy avtomattandyrylǵan basqarý júıesimen jaraqtandyrý deńgeıi 100%-dy quraıdy.

Búgingi tańda «jedel járdem» qyzmetiniń teńgeriminde 2 355 avtokólik bar. Onyń ishinde 1 482-si qalada jáne 873-i aýyldyq jerde.

Buǵan deıin qazaqstandyqtar qaterli isiktiń qaı túrinen jıi kóz jumatyny anyqtaldy.