Jyl basynan beri Qazaqstanda keıbir aýrý túri múlde tirkelgen joq

<p>ASTANA. KAZINFORM &ndash; Bıylǵy 6 aıda halyq arasynda 23 aýrý túri &mdash; nozologııa, onyń ishinde tyrysqaq, kúıdirgi, ish súzegi, sirespe, dıfterııa, qutyrý dertteri tirkelgen joq. Bul týraly QR DSM Sanıtarııalyq-epıdemıologııalyq baqylaý komıteti tóraǵasynyń orynbasary Záýre Ahmetova habarlady.&nbsp;</p>

Onyń málimetinshe, ótken jyldyń sáıkes kezeńimen salystyrǵanda 26 ınfektsııalyq aýrýmen syrqattaný tómendedi. Onyń ishinde brýtsellez 27%-ǵa, salmonellez – 18%-ǵa, sirli menıngıt – 2,5 esege tómendedi.

«Jaz kezeńi kenelerdiń jandanýyna baılanysty aýrýdyń ósýimen sıpattalady. Respýblıkanyń 4 óńirinde - Jambyl, Qyzylorda, Túrkistan oblystary men Shymkent qalasynyń aýmaǵynda Kongo-Qyrym gemorragııalyq qyzbasynyń tabıǵı oshaqtary bar. Jyl saıyn óńirlerdiń ákimdikteri men aýmaqtyq sanıtarlyq-epıdemıologııalyq qadaǵalaý departamentteri Kongo-Qyrym gemorragııalyq qyzbasymen (KQGQ) syrqattanýdyń aldyn alý maqsatynda kóktemde kenege qarsy is-sharalar ótkizedi. KQGQ boıynsha qolaısyz eldi mekenderdiń aınalasynda sanıtarııalyq-qorǵaý aımaqtary, býferlik aımaqtar qurylady, aýyl sharýashylyǵy janýarlaryn kenege qarsy óńdeý jáne mal qoralaryn óńdeý júrgiziledi.

Sońǵy 6 aıdyń qorytyndysy boıynsha ótken jylmen salystyrǵanda turǵyndardyń Kongo-Qyrym gemorragııalyq qyzbasymen syrqattanýy 43%-ǵa tómendegeni baıqalady", - dedi QR DSM Sanıtarııalyq-epıdemıologııalyq baqylaý komıteti tóraǵasy.

Bıylǵy sáýir aıynan bastap Kongo-Qyrym gemorragııalyq qyzbasynyń 16 jaǵdaıy tirkeldi, onyń ishinde 7 jaǵdaı Túrkistan, Qyzylorda oblystarynda jáne 2 jaǵdaı Shymkent qalasynda bolǵan.

«10 jaǵdaıda naýqas adamdar mal baǵýǵa qatysqan, 5 jaǵdaıda naýqastardy kene shaqqan, 1 jaǵdaıda naýqas endemııalyq aımaqta tabıǵatqa shyqqan. Bıyl 2 adam aýrýdan qaıtys boldy, 8 naýqas emdelip jatyr, qalǵan naýqastar saýyǵyp shyqty, baılanysta bolǵan 115 adam medıtsınalyq baqylaýda», - dedi Z. Ahmetova.