Jyl basynan beri Qazaqstan halqynyń sany qanshaǵa artty

<p>ASTANA. KAZINFORM — 2024 jyl basynan beri Qazaqstan halqynyń sany 210 139 adamǵa artty, dep habarlaıdy Ulttyq statıstıka bıýrosynyń baspasóz qyzmeti.</p>

— Ósimniń negizgi bóligi tabıǵı ósim esebinen boldy — 198 443 adam, al mıgratsııa esebinen halyq sany 11 693 adamǵa ósti, — delingen habarlamada.

Tabıǵı ósimniń eń joǵary kórsetkishteri Túrkistan oblysynda (36 628 adam), Shymkent (20 348 adam) jáne Astana qalalarynda (19 258 adam) tirkeldi.

2024 jylǵy 10 aıdyń ishinde elimizde 309 310 bala dúnıege keldi. Týý deńgeıiniń eń joǵary kórsetkishi Túrkistan (1000 adamǵa 25,14), Mańǵystaý (24,64) oblystarynda jáne Shymkentte (23,78) baıqaldy.

Osy kezeńde Qazaqstanda 110 867 adam qaıtys boldy, bul ótken jylmen salystyrǵanda 3,3% az (2023 jylǵy qańtar-qazan aralyǵynda — 107 289 adam). Ólim-jitim deńgeıi joǵary óńirler — Soltústik Qazaqstan (1000 adamǵa 11,52), Shyǵys Qazaqstan (11,32) jáne Qostanaı oblystary (10,17), bul osy óńirlerdegi halyq jasynyń qurylymyna baılanysty.

Aıta keteıik, 2024 jyldyń 1 qarashasyndaǵy jaǵdaı boıynsha Qazaqstan halqynyń sany — 20 243 981 adam.

Buǵan deıin habarlaǵanymyzdaı, Pavlodardaǵy oblystyq perıtanaldyq ortalyqta úshem dúnıege keldi.