Jyl basynan beri esirtki taratqan 19 jasóspirim ustaldy

<p>ASTANA. KAZINFORM &mdash; ІІM málimetinshe bıyl esirtki qylmysyna qatysy bar 19 kámelet jasyna tolmaǵan bala ustalǵan. Osyǵan baılanysty ishki ister organdary&nbsp; ata-analarǵa úndeý jasady.</p>

ІІM resmı ókili Shyńǵys Alekeshev:

– Kez kelgen otbasy esirtki quryǵyna tap bolýy múmkin. Jyl basynan beri 19 jasóspirim esirtki qylmystary úshin ustaldy. 

Jastar esirtki taratýdyń jáne jarnamalaýdyń quqyqtyq saldary týraly bilse de, olardyń keıbiri esirtkiniń zańsyz aınalymynan bas tartar emes.

Nashaqorlyqqa qarsy ımmýnıtet qalyptastyrýda otbasynyń aıryqsha rólin eskere otyryp, ІІM ata-analarǵa jazǵy demalys qarsańynda balalar ómirine barynsha kóńil qoıý kerektigin eskertedi.

Óz balalaryńyzdyń aralasatyn ortasyn bilý, olar paıdalanatyn ınternet-resýrstardy baqylaý asa mańyzdy. Zattarynyń ishinen medıtsınalyq preparattardyń qorabyn, folga nemese shyny tútiksheler baıqasańyz, eleýsiz qaldyrmańyz. Munyń bári sıntetıkalyq esirtki tutynýǵa arnalǵan bolýy ábden múmkin.

Sabaqtaǵy úlgeriminiń nasharlaýy, sabaqqa barmaýy jáne aralasatyn ortasynyń ózgerýi ata-ana nazarynan tys qalmaýy kerek.

Agressııa, aıaq astynan kóńil kúıiniń ózgerýi, sharshańqy kúıge jıi túsýi de esirtki tutynyp júrgeniniń belgileri bolýy yqtımal.

Balanyń boıynan úsh nemese odan da kóp osyndaı belgiler baıqalsa, tez arada shara qoldaný qajet. Aqsha jumsaýy jıilese nemese qarajaty kóp bolsa, bul da alańdaýǵa turarlyq másele. Óıtkeni balany esirtki tutynýǵa ǵana emes, ony taratýǵa da tartýy múmkin. Eger balanyń telefony men messendjerlerinen geolokatsııa kórsetilgen sýretter, úı qabyrǵalary men baǵandardaǵy shtamptardy baıqasańyz, bul da kúmán týdyratyn jaıt. Sebebi onda esirtki jasyrylǵan jerler kórsetilýi múmkin.

Nómirler jáne túrli saıttardyń siltemeleri jazylǵan tizimge, ızolentaǵa oralǵan zattarǵa da nazar salǵanyńyz abzal.

Esirtki qylmystary úshin jaýapkershilik 16 jastan bastalatynyn esterińizge salamyz.