Jyl basynan beri esirtki saýdasy men saqtaýdyń 2 myń deregi anyqtaldy

<p>ASTANA. KAZINFORM &ndash; Esirtki saýdasymen aınalysqan 4 uıymdasqan qylmystyq top joıyldy. Bul týraly Іshki ister mınıstrliginiń resmı ókili Shyńǵys Alekeshev aıtty.</p>

«Bıyl esirtkige qatysty 2063 qylmystyq quqyq buzý deregi anyqtaldy. Esirtki ótkizýdiń 517 faktisine tosqaýyl qoıyldy. Árbir úshinshi derek ınternet arqyly jasalǵanyn atap ótken jón. (162). Sondaı-aq, esirtkini asa iri mólsherde saqtaýdyń 149 faktisi anyqtaldy», - dedi Sh.Alekeshev mınıstrliktiń aptalyq baspasóz máslıhatynda.

Onyń aıtýynsha, 4 uıymdasqan qylmystyq top joıyldy. Sonyń ishinde bir transulttyq qylmystyq top bar. Olar sıntetıkalyq preparattardy jetkizýmen jáne satýmen aınalysqan.

«Uıymdasqan qylmystyq topty uıymdastyrǵany jáne oǵan qatysqany úshin 8 qylmystyq is qozǵaldy. Qylmyskerlerden 66 keli esirtki tárkilendi. Budan basqa 16 esirtki zerthanasy anyqtaldy. Onyń 8-inde sıntetıkalyq esirtki óndirilgen, ıaǵnı Almatyda - 4, Almaty oblysynda – 3, Shymkentte 1 zerthana joıyldy. Esirtki óndirýge qatysqan 15 adam ustaldy. Olardan 128 keli esirtki men 390 lıtr prekýrsor tárkilendi», - dedi resmı ókil.