Jyl basynan beri elimizdegi emhanalarǵa qaralý sany 103 mıllıonǵa deıin ósken

<p>ASTANA. KAZINFORM &ndash; Jyl basynan beri Qazaqstanda emhanalarǵa 103 mln-nan astam qaralý tirkeldi, bul ótken jylmen salystyrǵanda 7%-ǵa ósýdi kórsetedi.</p>

Emhanalar deńgeıinde dárigerlerge qaralý sany 81,3 mln-dy qurady, al úıde patsıentterdi qaraý sany 7,5%-ǵa artyp, 17,5 mln-dy qurady.

Oń úrdis aýyldyq densaýlyq saqtaý deńgeıinde de baıqalady. Osylaısha, aýyl turǵyndarynyń bastapqy medıtsınalyq uıymdarǵa qaralý sany 3,8%-ǵa artyp, 41,8 mln-dy, onyń ishinde 9 mln-nan astamy úıde qaralýdy qurady.

Osylaısha, eger jyl basynda jalpy praktıka dárigerlerine ózin-ózi jazýǵa arnalǵan kestelerdiń qoljetimdiliginiń úles salmaǵy 20% deńgeıinde bolsa, onda 2024 jylǵy 1 qarashadaǵy jaǵdaı boıynsha bul kórsetkish 89,5%-ǵa jetti, arnaıy mamandarǵa ózin-ózi jazýǵa arnalǵan kestelerdiń qoljetimdiligi 4%-dan 23,4%-ǵa deıin ósti.

Medıtsınalyq kómektiń qoljetimdiligin jaqsartý maqsatynda Mınıstrlik medıtsınalyq kómek kórsetýdi uıymdastyrýdyń normatıvtik-quqyqtyq aktilerine, standarttaryna taldaý júrgizip, qaıta qarady.

Atap aıtqanda, patsıenttiń baǵyty ońtaılandyryldy, sozylmaly aýrýlary bar patsıentterdi dınamıkalyq baqylaýdyń naqty algorıtmi, taldaýlardyń tizimi jáne olardy zerttep-qaraý eseligi anyqtaldy, patsıentterdi dınamıkalyq baqylaýdyń mýltıdıstsıplınalyq tásili engizildi.