Jyl basynan beri elimizde 6 myń jol apaty bolǵan

<p>ASTANA. KAZINFORM &ndash; Bıyl Qazaqstanda 6 myń jol-kólik oqıǵasy tirkelgen. Saldarynan 542 adam qaza taýyp, 7 myńnan astam adam jaraqat aldy. Bul týraly QR ІІM Ákimshilik polıtsııa komıtetiniń tóraǵasy Qaısar Sultanbaev málimdedi.</p>

Qaısar Sultanbaev Ortalyq kommýnıkatsııalar qyzmetinde ótken brıfıngide jol apattarynyń negizgi sebepteriniń biri – joldar men ınfraqurylymnyń jaı-kúıi ekenin aıtty. Statıstıka boıynsha jol apattarynyń 84%-y eldi mekenderde bolady. Al, jolda júrip ajal qushatyndardyń tórtten bir bóligi jaıaý júrginshiler.

Spıkerdiń aıtýynsha, elde tek 250 jerústi jáne jerasty jaıaý júrginshiler ótkeli bar. Sondaı-aq áli 600-den astam baǵdarsham ornatý kerek. Odan bólek 25 myń jol belgisi jetispeıdi.

 

Altynbek Ámıt