Jyl basynan beri elimizde 20 myńnan astam zańsyz sheteldik ınternet-resýrs anyqtaldy - ІІM

<p>Kóbine jasóspirimder ınternette tanysyp, áleýmettik jeliler men messendjerler arqyly hat almasqannan keıin jynystyq qylmystyń qurbany bolady. Bul týraly ІІM ákimshilik polıtsııa komıtetiniń tóraǵasy Qaısar Sultanbaev, dep habarlaıdy<a href="https://kaz.inform.kz/" target="_blank" rel="noopener"> Kazinform.</a></p>

«Taǵy bir másele - vırtýaldy tanysý. Kóbine qylmystyq is materıaldaryna sáıkes, jasóspirimder ınternette tanysyp, áleýmettik jeliler men messendjerler arqyly hat almasqannan keıin jynystyq qylmystyń qurbany bolady. Mınıstrlik quzyreti sheńberinde ınternet jelisinde quqyqqa qaıshy kontentter anyqtalyp jatyr. Áleýmettik jelilerdiń, óńirlik qaýymdastyqtardyń, toptardyń, tanysý saıttaryna monıtorıng júrgiziledi. Olar balalarǵa qatysty qylmys jasaýdyń alǵysharty», - dedi Qaısar Sultanbaev Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, jyl basynan beri zańsyz mazmuny bar 20 myńnan astam sheteldik ınternet-resýrstar anyqtaldy.

Materıaldar Mádenıet jáne aqparat mınıstrliginiń «Kıberqadaǵalaý» aqparattyq júıesine jiberildi.