Jyl basynan beri elge 12 325 qandas keldi - mınıstrlik

<p>ASTANA. KAZINFORM &ndash; Bıyl elimizdiń soltústik óńirlerine qonystanyp jatqan qandastar sany artty. Bul týraly QR Eńbek jáne halyqty áleýmettik qorǵaý mınıstrligi Kóshi-qon komıteti tóraǵasynyń orynbasary Erbolat Abýlhatın aıtty.</p>

«Jyl basynan beri elge barlyǵy 12 325 qandas keldi. Byltyr qandastardy elge qonystandyrý saıasaty túbgeıli ózgerdi. Osynyń nátıjesinde soltústikke qonys aýdarǵan qandastardyń sany ósip keledi, al ońtústikke keletin qandastardyń sany azaıyp jatyr. Atap aıtqanda, byltyr qandastardyń tek 6 paıyzy soltústike barsa, bıyl osy kórsetkish 36 paıyzǵa jetti», - dedi E.Abýlhatın Ortalyq kommýnıkatsııalar qyzmetinde.

Qazir qujattardy qabyldaý «Qutty meken» mobıldi qosymshasy arqyly júzege asyrylyp keledi. Bıyl berilgen ótinishtiń 95 paıyzy osy qosymsha arqyly kelip tústi.

Budan buryn habarlanǵandaı, Qazaqstanǵa joǵary bilimi bar adamdardyń kóship kelý kórsetkishi ósti.