Jyl basynan beri eldiń ishki taýar aınalymy 21% ósti

<p>BAQ ókilderiniń qatysýymen ótken brıfıngide Saýda jáne ıntegratsııa mınıstri Arman Shaqqalıev 6 aıdaǵy Qazaqstannyń syrtqy jáne ishki taýar aınalymy kólemin jarııalady, dep habarlaıdy <a href="https://kaz.inform.kz/" target="_blank" rel="noopener">QazAqparat.</a></p>

«6 aıdyń qorytyndysy boıynsha syrtqy saýda boıynsha Qazaqstannyń taýar aınalymy 67,2 mlrd dollar boldy. Bul 2022 jyldyń sáıkes kezeńimen salystyrǵanda 4,3%-ǵa joǵary. Shıkizattyq emes taýarlardyń aınalymy qańtar-maýsym aralyǵynda 22%-ǵa ósip, 39,4 mlrd dollardy qurady», - dedi jartyjyldyqtyń qorytyndysyn jarııalaǵan mınıstr.

Sondaı-aq Arman Shaqqalıev atap ótkendeı, bıyl alǵashqy jartyjyldyqta Qazaqstannyń Eýrazııalyq ekonomıkalyq odaq elderimen aradaǵy taýar aınalymy 20,2 mlrd AQSh dollaryna jetken.

«Bıyl 8 aıda ishki taýar aınalymy 21%-ǵa ósip, 35,7 trln teńge boldy. Saýda salasyndaǵy negizgi kapıtalǵa salynǵan ınvestıtsııalar kólemi jyl basynan beri 416 mlrd teńgege jetti. Jyl sońyna deıin ony 821,9 mlrd teńgege deıin ulǵaıtýymyz kerek», - dep toqtaldy Arman Shaqqalıev.

Munymen qatar ol áleýmettik mańyzy bar azyq-túlik qunyn retteýden birtindep bas tartý usynysyna qatysty túsinik berdi.

Qosa ketsek, osy brıfıngide sóz alǵan Saýda komıtetiniń tóraǵasy Aıdar Ábildabekov keıbir óńirlerdegi kásipkerler bıdaıdy qymbat baǵamen satyp jatqanyn aıtty. Onyń deregine saı, Básekelestikti qorǵaý jáne damytý agenttigi astyq qunyn negizsiz kótergenderge tergeý júrgizedi.