Jyl basynan beri balabaqshalarda 28 myń jańa oryn ashylǵan

<p>ASTANA. KAZINFORM &ndash; Qazaqstanda mektepke deıingi tárbıe men bilim berý boıynsha keshendi sharalar júzege asyrylyp jatyr. Memleket basshysynyń tapsyrmasymen balalardy mektepke deıingi tárbıe jáne bilimmen qamtýdy arttyrý maqsatynda 2023-2027 jyldarǵa arnalǵan mektepke deıingi uıymdardy iske qosýdyń jáne jańa oryndardy ashýdyń qadamdyq jospary ázirlenip, bekitildi. Bul týraly QR Oqý-aǵartý mınıstrligi málimdedi.</p>

Bıylǵy jyldyń birinshi jartyjyldyǵynyń qorytyndysy boıynsha balabaqshalarda jańadan 28 myńǵa jýyq oryn ashyldy. Osylaısha, balalardy sapaly túrde mektepke deıingi tárbıe jáne bilimmen qamtý 91,5%-ǵa ósti.

«Jańa oryndardy ashý - jumys istep turǵan mektepke deıingi uıymdardy salý, rekonstrýktsııalaý jáne keńeıtý, jalpy bilim beretin mektepter janyndaǵy shaǵyn ortalyqtar jelisin keńeıtý, memlekettik bilim berý tapsyrysyn jeke balabaqshalarǵa ornalastyrý esebinen josparlanyp otyr. Búginde ol boıynsha Pavlodar oblysy joǵary kóretkishke qol jetkizdi», - deıdi mektepke deıingi bilim berý departamentiniń dırektory Manar Adamova.

Elimizde jalpy sany 11,5 myń mektepke deıingi uıym jumys jasaıdy. Onda barlyǵy 1 mıllıonnan astam búldirshin tárbıelenip jatyr. Bıyl 2-den 6 jasqa deıingi balalardy mektepke deıingi bilim jáne tárbıe berýmen qamtý kórsetkishin 92,5%-ǵa deıin arttyrý josparlanǵan.