Jyl basynan beri Astanaǵa mıllıonnan asa týrıst keldi
2024 jyly týrıster Astanaǵa burynǵyǵa qaraǵanda 12 paıyzǵa kóp keldi. 1 097 413 adamnyń 261 964-i nemese 23,9 paıyzy – sheteldikter.
Astanaǵa eń úlken týrıstik aǵyn jaz aılarynda tirkeldi. Sonymen, maýsymda qalaǵa 757 068 adam kelse, olardyń sany shildede – 807 219, tamyzda – 829 627 adamǵa jetip, bul bir jyldaǵy eń joǵary kórsetkishke ıe boldy.
Astana iri halyqaralyq is-sharalardy ótkizý alańyna aınaldy. Bıyl elordada «Automechanika Astana 2024», «Eurasian Book Fair», Astana Half Marathon halyqaralyq kórmeleri, áıgili Dat akteri Mads Mıkkelsenniń qatysýymen «Comic Con» zamanaýı gık-mádenıet festıvali, 5-shi dúnıejúzilik kóshpendiler oıyndary, Dımash Qudaıbergenniń kontserti, «Enactus World Cup 2024» stýdenttik kásipkerlik boıynsha Enactus Álem kýbogi, grepplıngten álem chempıonaty jáne t. b. sııaqty iri is-sharalar ótti.
2024 jyl Qytaıdaǵy qazaqstandyq týrızm jyly bolyp jarııalandy. Osy bastamashyl jyl aıasynda Astana 6 iri is-sharany júzege asyrdy:
1. «Qytaıdaǵy qazaqstandyq týrızm jylynyń» ashylýy men jabylýy (2024 j. 28 naýryz), onda Astana týrıstik áleýetti úzdik kórsetkeni úshin Gran-Prı jáne qytaı naryǵynda úzdik ilgerilegeni úshin marapatqa ıe boldy;
2. Qytaı týrızm akademııasynyń prezıdenti Daı Bınniń, MaFengWo marketıngtik kompanııalarynyń, S-trip, Qytaı týrıstik qaýymdastyqtary men týroperatorlarynyń qatysýymen Qazaqstan-Qytaı bıznes dıalogy (2024 j. 14 qarasha) uıymdastyryldy;
3. Qytaıdyń 7 qalasynan (2024 j.13-16 qarasha) 25 týrıstik qoǵamdastyq ókilderine arnalǵan aqparattyq týr, Beıjiń qalasynda (2024 j. 18 qazan) roýd-shoý ótkizildi jáne «China International Medical Tourism Beijing» (2024 j. 21-23 qarasha) halyqaralyq medıtsınalyq kórmesine qatysty, bul elordanyń zamanaýı týrıstik ortalyq retindegi ımıdjin aıtarlyqtaı nyǵaıtty.
2024 jylǵy 30 qazanda Visit Astana brendi álemniń túkpir-túkpirinen týrıstik salanyń 240-tan astam kompanııasyn biriktiretin Dúnıejúzilik týrıstik alıanstyń (WTA) resmı múshesi bolǵanyn atap ótken jón.
Aıta keteıik, budan buryn Astanada sholý dóńgeleginde kommýnaldyq qyzmetkerlerdiń sýretteri jarııalanǵanyn jazǵan edik.