Jyl basynan beri 40 myńnan astam jup shańyraq kótergen

<p>ORAL. KAZINFORM &ndash;&nbsp; &laquo;Azamattarǵa arnalǵan úkimet&raquo; memlekettik korporatsııasy taratqan málimetke sensek, sońǵy 10 aıda Qazaqstanda 103 myńnan astam neke tirkelgen. Sonyń 40 myńy bıylǵy jyldyń úlesine tıedi.</p>

«Azamattarǵa arnalǵan úkimet» memlekettik korporatsııasy» KEAQ BQO boıynsha fılıalynyń baspasóz qyzmetinen málim etkendeı, neke sany boıynsha Almaty, Astana jáne Shymkent qalalary kósh bastap tur. 

Sondaı-aq 2023 jyldyń shildesinen bastap elimizde 328 myń shaqalaq dúnıege kelgen. 

Aıta ketsek, Batys Qazaqstan oblysy boıynsha azamattyq hal aktilerin tirkeý bólimderi arqyly jyl basynan beri 1000-ǵa jýyq neke tirkeldi.

«Qazirgi tańda «Azamattarǵa arnalǵan úkimet» Astana, Qaraǵandy, Almaty jáne Qostanaıda nekeni saltanatty túrde tirkeıdi jáne bul qyzmetti basqa qalalarda engizýdi josparlap otyr. Sonymen qatar balanyń týýyn saltanatty tirkeýdi engizý oılastyrylýda. Qazirdiń ózinde týý týraly kýálikti jetkizý jáne ony ata-anasyna tikeleı perzenthanada tabystaý boıynsha Astananyń medıtsınalyq mekemelerimen kelissóz júrgizilip jatyr. Elordadaǵy pılottyq joba suranysqa ıe bolǵan jaǵdaıda joba aýqymy keńeıedi. 2023 jylǵy 1 shildededen bastap «Azamattarǵa arnalǵan úkimetke» azamattyq hal aktilerin tirkeý fýnktsııasy berilgen bolatyn» dep habarlady vedomstvodan.

Eske sala keteıik, budan buryn Qazaqstanda kólik quraldaryn tirkeý jáne júrgizýshilerdi daıarlaý qaǵıdalary ózgergenin jazǵan bolatynbyz.