Jyl basynan beri 31 esirtki zerthanasy joıyldy - ІІM

<p>ASTANA. KAZINFORM - Jyl basynan beri 31 esirtki zerthanasy joıyldy. Onyń 17-si sıntetıkalyq esirtki óndirisin jolǵa qoıǵan. Esirtki óndirýshilerden shamamen 186 kg sıntetıkalyq esirtki jáne eki tonnadan astam prekýrsor tárkilendi, &ndash; dep habarlaıdy Polisia.kz.</p>

Aqtóbede 34 jastaǵy turǵyn ustaldy. Ol iri kóterme saýdaǵa arnalǵan paketterge mefedron salǵan. Onyń jaldamaly páterinen 440 gramm esirtki tárkilendi.

Odan ári tergeý áreketteri kezinde kúdikti eki paket jasyrylǵan jerdi kórsetti. Olardyń árqaısysynda 25 oramnan bolǵan. Tárkilengen esirtkiniń jalpy salmaǵy jarty kılogramm nemese myńnan astam bir rettik dozany qurady.

Semeıde 20 jastaǵy jigit pen qyz ustaldy. Jeke tintý kezinde olardan sıntetıka salynǵan oramdar tárkilendi. Ustalǵan kezde olar zańsyz zattardan qutylýǵa tyrysqan. Qyzmettik-izdestirý ıttiń kómegimen kınologtar qyzǵa tıesili barsetkany anyqtady. Onyń ishinde 64 esirtki oramy bolǵan.

Ustalǵandardyń páterinen gashısh pen mefedron salynǵan taǵy 38 paket tabyldy. Tárkilengen esirtkiniń jalpy salmaǵy 100 gramm. Samara – Shymkent tas jolyndaǵy janarmaı quıý beketteriniń birinde 21 jastaǵy Shymkent turǵyny marıhýanamen ustaldy. Tergeý áreketterin júrgizý barysynda onyń turǵylyqty jerinen tórt paketke salynǵan 300 gramm mefedron tárkilendi.

Ustalǵandardyń barlyǵy ýaqytsha ustaý ızolıatorlaryna qamaldy.

– Esirtki jasyrýshylardyń zańsyz “eńbek ótili” 2-3 aıdan sál asýy múmkin. Ońaı olja sońynan qýyp, olar 15 jylǵa deıingi merzimge bas bostandyǵynan aıyrý jazasyn arqalaıtynyn ańǵarmaı jatady, – dedi polıtsııadan.