Jyl basynan beri 3 myń qazaqstandyq ınternet alaıaqtarǵa 4 mlrd teńgesin berip jibergen

<p>ASTANA. KAZINFORM &ndash; Іshki ister mınıstrligi Krımınaldyq polıtsııa departamenti kıberqylmysqa qarsy kúres ortalyǵynyń bastyǵy Jandos Súıinbaı ortalyq kommýnıkatsııalar qyzmetinde ótken brıfıngide jyl basynan beri eń kóp tirkelgen ınternet alaıaqtyq túrlerin atady.</p>

«2 aıda 3 myńnan astam ınternet alaıaqtyq tirkelip, azamattarǵa 4 mlrd teńgeden astam shyǵyn keldi. Bizdiń elde ınternet alaıaqtyqtyń eń kóp taraǵan tásili belgili saýda alańdary men chattarynda, áleýmettik jeli men messendjerlerde habarlandyrý men jarnamalar arqyly jasalatyn ınternet saýda. Ádette alaıaqtar óz qyzmetiniń nemese taýardyń baǵasyn naryqtaǵydan tómen etip kórsetip, aldyn ala tólem suraıdy. Bıyl 1 myńnan astam osyndaı qylmys tirkeldi», - dedi ortalyq bastyǵy.

Onyń sózinshe, alaıaqtardyń qurbany bolmaý úshin azamattarǵa:

- Birinshiden, tekserilgen jaranama saıttaryn paıdalaný kerek;

- Ekinshiden, taýardy qolǵa alǵannan keıin ǵana tólem týraly kelisý qajet;

- Úshinshiden, taýardyń bar ekenine beıneqońyraý arqyly kóz jetkizý kerek. Taýar basqa qalada bolsa sondaǵy týystaryńyz ben tanystaryńyz arqyly alǵyzý qajet. Sondaı-aq, ol qazaqstandyqtar kúmándi brokerlik kompanııalarǵa, jobalarǵa ınvestıtsııa salý arqyly aqshany tez kóbeıtýdiń túrli shemalaryna qatysýdan shektelmeı kele jatqanyn aıtty.

«Jyl basynan beri 300-den astam qazaqstandyq osyndaı shemalarǵa aldanǵan Olar óz aqshalaryn ómirde joq jobalarǵa saldy. Keıbiri tipti nesıe alyp salǵan. Alaıaqtar ulttyq kompanııalardyń bankterdiń, krıptobırjalardyń atynan jalǵan saıt qurý arqyly azamattardy adastyrýda», - dedi ol.

«Kelesi keń taralǵan ádis – bankter men quqyq qorǵaý organdarynyń, basqa memlekettik organ qyzmetkerleriniń atynan shalynatyn telefon qońyraýlary», - dedi Jandos Súıinbaı.