Jyl basynan beri 26 adamnyń ólimi mas júrgizýshiden bolǵan

<p>ASTANA. KAZINFORM — Jyl basynan beri elimizde 238 myń jaıaý júrginshi jol erejesin buzyp, aıyppul arqalaǵan. Bul týraly ІІM Ákimshilik polıtsııa komıtetiniń tóraǵasy Qaısar Sultanbaev ortalyq kommýnıkatsııalar qyzmetinde ótken baspasóz máslıhatynda málim etti.</p>

«Jyl basynan beri polıtsııa 6 mıllıonǵa jýyq jol erejesin buzý faktisin tirkedi. Onyń ishinde 238 myń jaıaý júrginshige aıyppul salyndy. 12 myńnan astam júrgizýshi mas kúıinde ustalyp, qarsy jolaqqa shyǵýdyń 5 myń deregi anyqtaldy. Sot 14 myńǵa jýyq júrgizýshini kólik aıdaý quqyǵynan aıyrdy. 12 myńnan astam zań buzýshy ákimshilik qamaýǵa alyndy», — dedi Qaısar Sultanbaev.

Onyń sózinshe, jyl basynan beri mas júrgizýshilerdiń kinásinen 178 jol apaty bolyp, saldarynan 26 adam qaza tapqan. 

Komıtet basshysy avtomektepterge qoıylatyn talaptardyń tómen ekenin atap ótti.

«Olardyń qyzmetine memlekettik baqylaý bolmaýyna baılanysty júrgizýshilerdi daıarlaýdyń sapasy týraly aıtýdyń qajeti joq», — dedi ol.