Jyl basynan beri 173 myńnan astam adam jumyspen qamtyldy

<p>ASTANA. KAZINFORM -&nbsp; 1 sáýirdegi jaǵdaı boıynsha jumyspen qamtýǵa járdemdesý sharalaryna 173,3 myń adam qatysty. 142,3 myń adam jumyspen qamtyldy, onyń 50,3 myńy turaqty jumysqa ornalasty.</p>

«Sýbsıdııalanatyn jumys oryndaryna 92 myń adam ornalastyryldy. Onyń ishinde áleýmettik jumys oryndarynda 8,1 myń adam, jastar praktıkasynda 4,9 myń adam, qoǵamdyq jumystarda 66,3 myń adam, „Alǵashqy jumys orny“ jobasy aıasynda 2,8 myń adam, „Urpaqtar kelisimsharty“ jobasy aıasynda 51 adam, „Kúmis jas“ jobasy aıasynda 9,9 myń adam jumyspen qamtyldy.

Eńbek naryǵynda suranysqa ıe daǵdylar boıynsha onlaın oqytýmen 17,1 myń jumyssyz qamtyldy, onyń ishinde 15,1 myńy oqýdy aıaqtady», dep jazdy Eńbek jáne halyqty áleýmettik qorǵaý mınıstrliginen.

Sondaı-aq, «Bastaý Bıznes» jobasy boıynsha kásipkerlik negizderine oqytýmen 13,6 myń adam qamtyldy, onyń ishinde 8,1 myń adam oqýdy aıaqtap, sertıfıkattar aldy.

Qyzmet salasyn tańdaý maqsatynda 58,2 myń adam áleýmettik kásiptik baǵdarlaýdan ótti.

Budan basqa, jańa bıznes-bastamalardy iske asyrý úshin 2024 jyly halyqtyń áleýmettik osal sanattaryna 400 AEK (1 476 800 teńge) mólsherinde 9 myń grant jáne jastarǵa jyldyq mólsherlemesi 2,5%-dyq, somasy 5 mln teńgege deıingi 5 796 jeńildetilgen mıkrokredıt berý kózdelgen.

Eske sala keteıik, elimizdegi kúrdeli sý tasqyny jaǵdaıyna baılanysty úmitkerlerden granttar alýǵa ótinimderdi qabyldaýdyń birinshi leginiń merzimin ýaqytsha aýystyrý týraly sheshim qabyldanǵanyn atap ótemiz. Ótinimderdi qabyldaýdyń bastalýy týraly halyqqa qosymsha habarlanatyn bolady.