Jyl basynan beri 164 avtokólik órtengen

<p>ASTANA. KAZINFORM &ndash; Aıazdy kúnderi kólik tizgindegen júrgizýshiler muzdaǵan kólikterin ashyq otpen jylytý arqyly otaldyrýǵa tyrysady. Saldarynan talaı avtokólik otqa oranyp, órtenip ketti. Bul týraly QR TJM Órtke qarsy qyzmet komıteti málim etti.&nbsp;</p>

TJM Órtke qarsy qyzmetiniń mamandary ashyq otty paıdalanýǵa qatań tyıym salady.

«Avtokólikte órttiń tez tutanýyna sebep bolatyn túrli janǵysh materıaldar bolady.  Sondyqtan órt qaýipsizdigi erejelerin qatań saqtaý kerek» — dep eskertedi sala mamandary. 

Jyl basynan beri elimizde 164 avtokólikiń órtený oqıǵasy tirkeldi.

«Avtokólikterdegi órtterdiń negizgi sebebi — elektr jáne otyn júıeleriniń aqaýynan bolady. Ýaqyt óte kele symdardyń juqarýynan jarylýy múmkin ári janarmaı men maıdyń aǵýy órt qaýpin eseleıdi» —delingen habarlamada.

Mamandardyń pikirinshe, aqaýy bar mehanızmderdi uzaq ýaqyt paıdalaný, ártúrli qosymsha elektr jabdyqtaryn qosý, bólshekterdiń qyzyp ketýi elektr júıesinde qysqa tuıyqtalýǵa ákeledi.

Sol sebepti, avtokólikterdi ýaqtyly tehnıkalyq jóndeýden ótizip turý kerek. 

«Kólikte únemi jumys isteıtin órt sóndirgish bolýy kerek. Temir tulpardyń muz qatqan bólikterin qyzdyrý úshin ashyq ot qoldanbańyz!» — dep eskertedi QR TJM Órtke qarsy qyzmet komıteti.