Jyl basynan beri 100-den astam páter urysy ustaldy

<p>ASTANA. KAZINFORM &mdash; Jyl basynan beri polıtsııa 100-den astam páter urysyn, onyń ishinde 10 qylmystyq topty jáne 7 gastroldik uryny ustady.</p>

Polisia.kz saıtynyń málimetinshe, 18 qańtarda Astanada kilt tańdaý jolymen páter esikterin ashyp, altyn buıymdar men aqsha urlaıtyn gastroldik páter urylarynyń qylmystyq toby quryqtaldy. Shyǵyn somasy 101 mln teńgeni quraǵan.

Tintý barysynda kúdiktilerden kiltter jınaǵy men urlanǵan altyn buıymdar tárkilendi.

Qaskóıler qamaýǵa alyndy.

25 qańtarda Almatyda tórt gastroldik páter urysy ustaldy. Olar bes páterden urlyq jasaǵan. Úılerge terezeni ashyp kirip otyrǵan. Jalpy shyǵyn 17 mln teńgeden asty. Úsh kúdikti qamaýǵa alyndy.