Jyl basynan beri 10 tárbıeshi balaǵa dóreki qaraǵany úshin jumystan qýylǵan

<p>ASTANA. KAZINFORM &ndash; Oqý-aǵartý mınıstrligi Mektepke deıingi bilim berý departamentiniń dırektory Manara Adamova ata-analar balabaqshalardyń ústinen qandaı máseleler boıynsha jıi shaǵym túsiretinin aıtty.</p>

«Jyl basynan beri qazan aıyna deıin mektepke deıingi bilim berý uıymdarynda 17 zań buzý faktisi tirkeldi. Negizi balalardyń quqyǵyn, qaýipsizdigin buzatyn bir de bir oqıǵa bolmaýy kerek. Ony biz túsinemiz. 11 600 mektepke deıingi uıym bar desek, 17 oqıǵa degen 0,001 paıyz degen sóz. Byltyr 38 jaǵdaı bolsa, bıyl 9 aıda 17 oqıǵa. ıAǵnı, azaıǵan. Jumysymyz jemis berip jatyr deýge bolatyn shyǵar», - dedi ol ortalyq kommýnıkatsııalar qyzmetinde ótken baspasóz máslıhatynda.

Onyń sózinshe, ata-analar negizinen tárbıeshilerdiń balalarǵa dóreki qaraýy boıynsha shaǵymdanady.

«Ondaı jaǵdaılar óte kóp. Biraq bul jerde ata-ana da tárbıeshilerimen ózara baılanysta bolý kerek. Eger bala keshke deıin jylap júrse, únemi mazasyz bolsa, bul tek balabaqshada jasalǵan jaǵdaımen ǵana baılanysty bolmaýy múmkin. Sondyqtan balanyń negizgi tárbıesi, kóńil-kúı otbasynda qalyptasatynyn umytýǵa bolmaıdy. 17 jaǵdaıdyń ishinde 10 tárbıeshi jumystan qýyldy. Basqa jaǵdaılarda eki tarap tatýlasty», - dedi Manara Adamova.

Buǵan deıin Qarjylyq monıtorıng agenttigi Pavlodar oblysynyń balabaqshalarynda áleýmettik mańyzǵa ıe taýarlardyń baǵasyn negizsiz qymbattatý faktileriniń jolyn keskenin jazǵan edik. Naqtyraq aıtsaq, óńirdegi balabaqshalarǵa azyq ónimderi 300% qymbatqa jetkizilip turǵan.