Jyl basynan 880 velosıped urlyǵy tirkeldi

<p>ASTANA. KAZINFORM &ndash; Jyl basynan 880 velosıped urlyǵy tirkeldi. Bul týraly ІІM resmı ókili Shyńǵys Alekeshev aıtty.</p>

«Maýsymdyq qylmystardyń taǵy bir túri – velosıped urlyǵy. Velosıped urlyǵy ádette eki dóńgelekti kólik ıeleriniń nemquraılylyǵynan bolyp jatady. 2023 jyly respýblıka aýmaǵynda 2 528 velosıped urlyǵy tirkeldi. Al, bıyl 5 aıda osyndaı 880 qylmys jasalyp otyr. Mysaly, ótken jyly Astanada 25-ten astam velotehnıka urlaǵan kánigi ury ustaldy. Barlyq jaǵdaıda qylmysker durys bekitilmegen jáne qaraýsyz qalǵan velosıpedterdi qoldy etken», - dedi ol vedomstvoda ótken aptalyq brıfıngide.

Onyń aıtýynsha, kópqabatty úılerdiń kireberisi qaýipsiz oryn emes. 

«Statıstıkaǵa súıensek, kerisinshe kópqabatty úıdiń kireberisteri velosıped jıi urlanatyn jer sanalady», - dedi resmı ókil.