Jyl basynan 32 sý nysany memleketke qaıtaryldy

<p>ASTANA. KAZINFORM &ndash; &nbsp; 2024 jyldyń basynan 32 gıdrotehnıkalyq qurylys kommýnaldyq menshikten respýblıkalyq menshikke qaıtaryldy. Bul 31 sýarý kanaly men 1 bóget. Bul týraly QR Sý resýrstary jáne ırrıgatsııa mınıstrliginiń baspasóz qyzmeti málim etti.</p>

Atalǵan nysandardyń barlyǵy Jambyl oblysynda ornalasqan. Qazirgi ýaqytta elimizdiń basqa óńirlerindegi sý sharýashylyǵy nysandaryn respýblıkalyq menshikke qaıtarý boıynsha belsendi jumys júrgizilýde.

«Mınıstrlik elimizdiń sý ınfraqurylymyn jaqsartý boıynsha jumysty bastady. Mysaly, Prezıdenttiń tapsyrmasy aıasynda 2030 jylǵa deıin sý sharýashylyǵy nysandaryn salý jáne rekonstrýktsııalaý boıynsha keshendi jospar ázirlendi. Josparda 44 sý qoımasyn salý, 76 gıdrotehnıkalyq qurylysty, 5321 shaqyrymnan astam ırrıgatsııalyq júıeni qaıta jańartý, sondaı-aq 3230 tik drenajdy uńǵyma burǵylaý kózdelgen. Búgingi tańda 114 joba boıynsha jobalyq-smetalyq qujattama ázirlendi», - dedi Sý resýrstary jáne ırrıgatsııa vıtse-mınıstri Erbolat Ibraıhanov.