Jyl basynan 250 myń danadan astam kontrafakti ónim tárkilendi

<p>ASTANA. KAZINFORM &ndash; Osy jyldyń basynan beri elimizdiń aýmaǵynda 250 myń danadan astam kontrafakti ónim tárkilendi. Bul týraly Ortalyq kommýnıkaıtsıalar qyzmetindegi brıfıngte Ádilet vıtse-mınıstri Botagóz Jaqselekova aıtty.</p>

«Tekserý nátıjesinde qoldanystaǵy zańnamany buzýdyń 132 faktisi anyqtady. 133 is qozǵalyp, sotqa jiberildi. 111 sýbekti ákimshilik jaýapkershilikke tartyldy. Memleketke aıyppul túrinde 9 mln teńgeden astam kiris alyndy. Azamattyq aınalymnan jalpy somasy 47 mln teńge bolatyn 250 myńnan astam dana kontrafakti ónimi alyndy», - dedi ol.

Onyń dereginshe, ádilet organdary tarapynan «TOYOTA», «Kit Kat» jáne «Nesquik», «Procter&Gamble», «Henkel AG & Co. KgaA», «Apple», «ZEPTER», «Levi ' s», «LEGO», «PUMA», «TOYOTA/LEXUS», «Almacom», «Hugo Boss» syndy kompanııalardyń quqyqtary qorǵaldy.

Vıtse-mınıstrdiń dereginshe, zııatkerlik menshik quqyqtaryn qorǵaý jónindegi is-sharalardy ishki ister, ekonomıkalyq tergeý jáne memlekettik kirister organdary da júrgizedi. 2024 jyldyń birinshi jartyjyldyǵynda Qarjy monıtorıngi agenttigi Qylmystyq kodekstiń 222 jáne 198-batary boıynsha zııatkerlik menshik quqyqtarynyń buzylýyna baılanysty quqyq ıelerine 35,7 mln teńgeni quraıtyn zalal keltirilgen 2 is boıynsha sotqa deıingi tergep-tekserýdi tirkedi.

Memlekettik kiris organdary jalpy quny 18,6 mln AQSh dollary bolatyn zııatkerlik menshik quqyqtaryn buzý belgileri bar taýarlarǵa 339 deklaratsııa boıynsha taýarlar shyǵarýdy toqtatty.