Jıhaz jasaımyn: Qostanaı oblysynda alaıaq sottaldy

QOSTANAI. QazAqparat – Qostanaı qalasynyń №2 soty alaıaqtyq jasaǵan oblys turǵyny Vladlen Goretskııge qatysty úkimin shyǵardy, dep habarlaıdy QazAqparat tilshisi oblystyq sottyń baspasóz qyzmetine silteme jasap.

Sot málimetinshe, 2020 jyldyń shilde aıynan jeltoqsanǵa deıin Goretskıı jeke tsehy, jumyskerleri jáne materıaldyq-tehnıkalyq jabdyqtarynyń bolmaýyna qaramastan, klıenttermen qysqa merzim ishinde korpýstyq jıhaz shyǵarý boıynsha jalǵan kelisimsharttar ornatqan.

«Bul rette ol kelisimshart boıynsha mindettemelerin oryndaýǵa tyryspaı, klıentterden aldyn ala tólem alyp, aqshany ıemdenip otyrǵan. Goretskıı qylmystyq áreketterimen 43 jábirlenýshige shyǵyn keltirdi», - dep atap ótti oblystyq sottan.

Jaryssóz barysynda prokýror sottalýshyǵa bes jylǵa bas bostandyǵynan aıyrý jazasyn surady.

«Sottalýshy óz kinási men azamattyq talaptardy tolyq moıyndady. Іs boıynsha jaýapkershilikti jeńildetetin ne aýyrlatatyn jaǵdaılar anyqtalǵan joq. Sot jazany qylmystyq-atqarý júıesiniń qaýipsizdigi ortasha mekemesinde óteýmen, bes jylǵa bas bostandyǵynan aıyrýdy úkim etti», - dep qosyp ótti oblystyq sottan.

Sot úkimi zańdy kúshine engen joq.

Eske sala ketsek, buǵan deıin Qostanaı polıtsııasy alaıaq jıhaz jasaýshydan zardap shekken azamattardy izdestirip jatqany habarlanǵan bolatyn.