Jıhaz baǵasy bir jylda 25 paıyzǵa qymbattady

ASTANA. QazAqparat – 2022 jyldyń segiz aıynda Qazaqstanǵa 238 mıllıon dollardyń turmystyq jıhazy ákelindi, dep habarlaıdy QazAqparat tilshisi.

Energyprom.kz málimetinshe, 2022 jyldyń qańtar-qyrkúıek aılarynda elimizde jıhaz óndirisi 46,7 mlrd teńgeni qurady.

Óńirler arasynda jıhaz óndirisi Almatyda birshama joǵary. Qalada quny 13,4 mlrd teńge bolatyn jıhaz shyǵaryldy. Biraq, bir jylda 33,6 paıyzǵa kemigen.

Odan keıingi orynda Almaty (3,5 mlrd teńge) men Pavlodar oblystary (3,5 mlrd teńge) tur.

Bıyl qańtar-tamyz aılarynda Qazaqstan 237,7 mln AQSh dollaryna 85,8 myń tonna úıge arnalǵan jıhaz buıymdaryn ımporttady.

Importtyń negizgi kólemin TMD elderi qamtamasyz etti - 78,3 paıyz.

Jyl basynan beri bul elderden Qazaqstanǵa 67,2 myń tonna jıhaz ákelindi.

Reseı Qazaqstan úshin negizgi jetkizýshi boldy - 36,4 myń tonna. Úzdik úshtikke Belarýs pen Ýkraına da kirdi.

TMD-dan basqa elderden Qazaqstan 90 mln AQSh dollaryna 18,6 myń tonna jıhaz ákeldi. Munda negizgi jetkizýshiler - Qytaı men Túrkııa.

Foto: web.archive.org