Jıgýlı Daırabaevtyń shtabynda EQYU/DIAQB baıqaýshylar mıssııasymen kezdesý ótti

ASTANA. QazAqparat – «Aýyl» partııasynan QR prezıdenttigine kandıdat Jıgýlı Daırabaevty qoldaý jónindegi respýblıkalyq qoǵamdyq shtabta EQYU/DIAQB saılaýdy baıqaý jónindegi mıssııa ókilderi Djovannı Dıbıaspen (Italııa) jáne Vıktorııa Norekaıtemen (Lıtva) kezdesý ótti. Bul týraly QazAqparat «Aýyl» halyqtyq-demokratııalyq patrıottyq partııasyna silteme jasap habarlaıdy.

Kezdesýde sheteldik qonaqtar óz mıssııalarynyń maqsattary men mindetteri týraly aıtty.

Respýblıkalyq shtab basshysy Tóleýtaı Rahymbekov «Aýyl» RQSh mindetteri, úgit-nasıhat naýqanynyń barysy jáne aldaǵy kezeńge arnalǵan josparlary týraly málim etti.

Búginge deıin Jıgýlı Daırabaev elimizdiń 10 óńirinde boldy.

Kezdesý sońynda Dj.Dıbıas pen V. Norekaıte Astana qalasynda jáne Aqmola oblysynda QR prezıdenttigine kandıdat pen senimdi tulǵalardyń qatysýymen ótetin 2-3 úgit-nasıhat is-sharalasynyń ótkizilýin baıqaýǵa nıet bildirdi.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al 20 qarashada prezıdent saılaýy ótedi.