Jıgýlı Daırabaevtyń shtaby TMD PA ókilderimen jıyn ótkizdi

ASTANA. QazAqparat - Qazaqstan Respýblıkasynyń prezıdenttigine kandıdat Jıgýlı Daırabaevtyń respýblıkalyq qoǵamdyq shtaby TMD Parlamentaralyq Assambleıasynyń ókilderimen onlaın formatta jıyn ótkizdi, dep habarlaıdy QazAqparat «Aýyl» halyqtyq-demokratııalyq patrıottyq partııasyna silteme jasaı otyryp.

«Aýyl» RQSh-nyń qyzmetkerlerimen kezdesý barysynda TMD PAA Keńesi Hatshylyǵy basshysynyń orynbasary Ivan Mýshket TMD PAA-dan 60 baıqaýshy QR prezıdenttigine kandıdattardyń úgit-nasıhat naýqanynyń barysyn baqylap otyrǵanyn atap ótti. Sonymen qatar, TMD PAA Halyqaralyq demokratııany damytý monıtorıngi ınstıtýtynyń sarapshylary úgit-nasıhat naýqanynyń ótýi, problemalyq máselelerdiń bolýy týraly surady.

«Aýyl» HDPP-nan usynylǵan QR Prezıdenttigine kandıdat Jıgýlı Daırabaevtyń respýblıkalyq qoǵamdyq shtabynyń basshysy Tóleýtaı Rahymbekov óz sózinde búginde elimizdiń 166 aýyldyq eldi mekeninde jáne 88 qalada, onyń ishinde respýblıkalyq mańyzy bar 3 qala men 17 oblys ortalyǵynda úgit-nasıhat naýqany júrgizilip jatqanyn atap ótti.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada prezıdent saılaýy ótedi.