Jıgýlı Daırabaev jelide ózine qatysty taraǵan aıyptaýlarǵa jaýap berdi
«Jalpy, kez kelgen adam qundy zat satyp alǵanda jeti ret ólshep baryp sheshim qabyldaıdy. Otbasyma dep satyp alǵan úı ýaqyt ótken soń zańsyz dep eseptelgeni kimge kerek? Mundaı táýekel eshkimge de qajet emes. Ózderińizge osy bir suraqty qoıyp kórseńiz, birden túsinesizder dep oılaımyn. Notarıýs arqyly jasalǵan kelisimshartymyz zańdy, úı ıeleriniń quqyqtary saqtalǵan. Aqsha talap etip júrgen azamatty tanymaımyn da. Bilýimshe, ol – úı satqan áıeldiń burynǵy jubaıy (ajyrasqan). Erli-zaıyptylardyń arasyna kirisetin adam emespin. Ol azamat meniń osy laýazymymdy paıdalanyp, bopsalaý jolyn tańdaǵan. Aıta keteıin, mundaı áreket birinshi ret emes. Osydan biraz ýaqyt buryn meni kinálaǵan adam qaralaǵany úshin sottyń sheshimimen jazalanyp, aıyppul tólegen bolatyn. Bul áreketin toqtatpasa qaıtadan sotqa júginýime týra keledi», - dep jazady depýtat Merkedegi úıi týraly.
Al, Keńes aýylyndaǵy jerge qatysty jaǵdaıdyń 20 jyl buryn bolǵanyn aıtady.
«Jerge qatysty kompanııanyń ıeleri – aǵaıyndy Iemberdıevter (Erlan men Nurlan Ergeshbaıuldary). Olar qazir Qazaqstanda. Shataspasam, Almatyda turady. Jerdiń de, aqshanyń da ıesi osylar. Meniń bul iske eshqandaı qatysym joq. Kezinde men tek jaldamaly qyzmetker boldym. Merki aýdanynda 1 metr de jerim joq. Sondyqtan da, aýyldaǵy narazy adamdardyń aryzdary jer ıeleri Iemberdıevterge joldanýy tıis dep esepteımin. Aýyl turǵyndary meni negizsiz kinálamaı, qaıta kómegime júgingeni durys edi. Áli de kesh emes», - deıdi Jıgýlı Daırabaev.