Jıgýlı Daırabaev Jambyl oblysynyń turǵyndarymen kezdesti

TARAZ. QazAqparat - QR Prezıdenttigine kandıdat Jıgýlı Daırabaev Jambyl oblysynyń Baızaq jáne Jýaly aýdandarynda boldy, dep habarlaıdy QazAqparat «Aýyl» partııasynyń baspasóz qyzmetine silteme jasap.

Jurtshylyqpen kezdesý barysynda aýyl sharýashylyǵy salasyn damytýǵa baǵyttalǵan jobalar talqylandy.

Kezdesý sońynda kandıdat barsha jınalǵandardy memlekettik mereke – Respýblıka kúnimen quttyqtady.

«Búginde aldymyzda úlken maqsattar men mindetter tur. Ol úshin kúsh biriktirip, jańa bastamalardyń júzege asýyn qamtamasyz etýimiz kerek. Árbir azamattyń múddesi memleket múddesimen ushtasyp, Qazaqstan halqy ulttyq birlikti nyǵaıtý jolynda aıanbaı ter tókse, Qazaqstannyń barlyq belesterdi baǵyndyratynyna senimdimin», - dedi J.Daırabaev.