Jıgýlı Daırabaev Ekibastuzdyń ortalyq bazaryna bardy

EKІBASTUZ. QazAqparat - Búgin Jıgýlı Daırabaev Pavlodar oblysy Ekibastuz qalasynyń bazarynda bolyp, aımaqtyq azyq-túlik naryǵyndaǵy jaǵdaımen tanysty.

Kandıdat satýshylarmen, satyp alýshylarmen, ónim jetkizýshilermen kezdesti. Olardyń el ómirine qatysty pikirlerin tyńdady.

Satyp alýshylar tarapynan baǵaǵa qatysty kóptegen suraq boldy.

Negizinen baǵanyń turaqsyzdyǵy, onyń únemi kóteriletini, taýardyń qymbattyǵy týraly aıtyldy.

Satýshylardan otandyq taýar óndirýshilerden taýarlardy júıeli túrde jetkizý joq, sondyqtan ımporttyq daıyn ónimdermen jumys isteýge týra keledi degen shaǵym boldy.

Budan keıin kandıdat qalalyq aqsaqaldar keńesimen kezdesti. Olarmen shahmat oınaı otyryp, áńgimelesip, birshama máseleni talqylady.

Aqsaqaldar kandıdatqa zeınetaqy aktıvterin basqarýdy qalaı josparlaıtyny jaıynda suraq qoıdy.