Jıgýlı Daırabaev Batys Qazaqstan oblysynda birqatar kezdesý ótkizdi

ORAL. QazAqparat - Prezıdenttikke kandıdat Jıgýlı Daırabaev pen onyń partııalastary Batys Qazaqstan oblysynda júr, dep habarlaıdy QazAqparat «Aýyl» HDPP baspasóz qyzmetine silteme jasap.

«Aýyl» partııasynyń ókilderi aldymen Oral irgesindegi qus fabrıkasyna bardy. Kásiporynda 200-den astam adam jumys isteıdi. Jylyna 8,5 myń tonna ónim óndiredi.

Saıası birlestik músheleri Jáńgir han atyndaǵy Batys Qazaqstan agrarlyq-tehnıkalyq ýnıversıtet ujymymen de júzdesti. Kezdesýde saılaýaldy úgit-nasıhat jumystaryn júrgizdi.

Buǵan deıin Jıgýlı Daırabaev bastaǵan úgit-nasıhat tobynyń ókilderi Jambyl, Túrkistan, Qyzylorda, Aqtóbe, Aqmola, Qaraǵandy, Pavlodar, Jetisý, Almaty, ShQO, Abaı, Mańǵystaý oblystarynyń saılaýshylarmen kezdesti.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada prezıdent saılaýy ótedi.