«Jibek joly» kemesi: ýkraınalyq dıplomat Túrkııa bıligine júgindi

NUR-SULTAN. QazAqparat – Túrkııadaǵy Ýkraına elshisi Vasılıı Bodnar qazaqstandyq «Jibek joly» kemesimen tasymaldanǵan astyq jóninde jergilikti bılikke júgindi, dep habarlaıdy QazAqparat tilshisi.

«Qarasý portyna basyp alynǵan Berdıanskiden Zhibek Zholy kemesi keldi. Ýkraınanyń bas prokýratýrasynyń haty negizinde Túrkııa tarapyna tótenshe sharalar qabyldasyn dep júgindim. Bizde Túrkııa Respýblıkasynyń bıligimen jaqsy qarym-qatynas pen tyǵyz yntymaqtastyq ornaǵan. Qabyldanǵan sheshimder Ýkraına egemendigin buzý áreketteriniń aldyn alady dep senemin», - dep jazdy Vasılıı Bodnar Twitter áleýmettik jelisinde.

Aıta keteıik, buǵan deıin birqatar basylymda qazaqstandyq «Jibek joly» kemesimen Berdıansk teńiz saýda porty arqyly Ýkraınadan astyq eksporttalatyny týraly aqparat jarııalandy.

«Qazaqstan temir joly» ulttyq kompanııasy qazaqstandyq «Jibek joly» kemesimen Ýkraınadan astyq eksporttalyp jatqanyna qatysty pikir bildirdi.

Sonymen birge, QTJ kemeni jalǵa alýshydan mán-jaıdy jedel ári egjeı-tegjeıli túsindirýdi surady .

Foto: railways.kz