Jibek joly halyqaralyq rallıi Qostanaı oblysyna keledi
Halyqaralyq jarys Máskeýdiń Qyzyl alańynda 2017 jylǵy 7 shildede bastaý aldy. Jarys marshrýty Reseı, Qazaqstan jáne Qytaı aýmaǵyndaǵy joly kúrdeli ulanǵaıyr dalamen ótetin birneshe kezeńnen turady. Atap aıtqanda, Reseıden bet alǵan kólikter Qostanaı - Astana - Semeı - Úrjar jerin basyp ótip, Máskeý - Astana - Sıan arasyndaǵy uzaq joldy baǵyndyrmaq. Qazaqstan óńirlerin tórt kúnde júrip ótýdi josparlaǵan rallıshiler 22 maýsymda Uly Jibek joly bastaý alatyn Qytaıdyń eń ejelgi astanalarynyń biri - Sıan qalasyna jetýdi kózdep otyr.
Ortalyq kommýnıkatsııalar qyzmetiniń resmı ókili Oksana Loskýtovanyń aıtýynsha, «Jibek joly» halyqaralyq rallıdiń qatysýshylary 10 shilde kúni Qostanaı oblysynda bolady. Rallıdiń Qazaqstandaǵy kezeńine Mádenıet jáne sport mınıstrligi qoldaý bildirýde.
Reseı, Qazaqstan jáne Qytaı elderiniń ókilderi qatysatyn «Jibek joly - 2017» halyqaralyq rallıi - álemniń eń uzaq (10 myń shaqyrymnan astam) jáne eń qyzyqty, shytyrman oqıǵalarǵa toly rallı-saparlarynyń biri. Rallıdiń tanymaldylyǵy álemdik dárejede artyp kele jatqanyn atap ótý kerek. 2016 jyly jarysqa álemniń 41 elinen 1100-den astam shabandoz ben komanda músheleri qatysyp, shytyrmanǵa toly jarys kezeńderin 193 eldiń turǵyndary baqylaǵan bolatyn.
Aıan Bekenuly