Jibek joly halyqaralyq akademııasynyń quryltaıshylyq qujatyn 30-ǵa jýyq el rásimdedi

TsINDAO. QazAqparat - Jibek joly halyqaralyq akademııasynyń quryltaıshylyq qujatyna 30-ǵa jýyq el qol qoıdy. Bul týraly búgin Qytaıdyń Tsındao qalasynda Shanhaı yntymaqtastyq uıymyna múshe memleketter basshylarynyń keńeıtilgen quramdaǵy otyrysynda Elbasy Nursultan Nazarbaev aıtty, dep habarlaıdy QazAqparat tilshisi.

«Bizdiń ózara is-qımylymyzdyń mádenı-gýmanıtarlyq, ǵylymı ıntellekti qarqyndy damý ústinde. Bul turǵyda ótken jyly Beıjińde ótken «Bir beldeý, bir jol» forýmynda jarııa etken Jibek joly halyqaralyq akademııasy bastamasynyń júzege asyrylǵanyn atap ótemin. Búginde shamamen 30 eldiń ǵylymı mekemeleriniń ókilderi atalǵan akademııany qurý jónindegi quryltaıshylyq qujatqa qol qoıdy. «Bir beldeý, bir jol» jobasyna ǵylymı-sarapshylyq qoldaýmen aınalysýǵa daıynbyz», - dedi Nursultan Nazarbaev.

Otyrysta Nursultan Nazarbaev ShYU-nyń strategııalyq basymdyǵyn atap,

Jańa tehnologııalar boıynsha tájirıbe almasatyn alań qurýdy usyndy.

Aıta keteıik, otyrysqa Qazaqstan Prezıdenti Nursultan Nazarbaev, Reseı Prezıdenti Vladımır Pýtın, Qyrǵyz Prezıdenti Sooronbaı Jeenbekov, Pákistan Prezıdenti Mamnýn Hýseın, Tájikstan Prezıdenti Emomalı Rahmon, Ózbekstan Prezıdenti Shavkat Mırzıeev, Úndistan Premer-Mınıstri Narendra Modı, ShYU-ǵy baıqaýshy mártebesi bar Aýǵanstan Prezıdenti Ashraf Ǵanı, Belarýs Prezıdenti Aleksandr Lýkashenko, Iran Prezıdenti Hasan Roýhanı jáne Mońǵolııa prezıdenti Haltmaagıın Battýla jáne birqatar halyqaralyq uıymnyń basshylary qatysýda.

Keńeıtilgen quramdaǵy otyrystan keıin sammıttiń basty qujaty Tsındao deklaratsııasy qabyldanyp, 20-dan astam qujatqa qol qoıylmaq. Onyń 17-sin Memleket basshylary rásimdeıdi.