Jibek joly elderiniń kedenshileri Aqtaý deklaratsııasyn qabyldady

ASTANA. QazAqparat - Aqtaý qalasynda Jibek joly elderiniń arasyndaǵy saýdaǵa járdemdesý jáne jeńildetýdiń Kedendik ákimshilikterdiń 7-shi Halyqaralyq Forýmy óz jumysyn aıaqtady. Bul týraly QazAqparat QR QM Memlekettik kirister komıtetine silteme jasap habarlaıdy.

Jıynnyń qortyndysynda qatysýshylar Aqtaý deklaratsııasyn qabyldady. Onda tasymaldaýlardy tezdetý men olardyń tartymdylyǵyn arttyrý maqsatynda kóliktik dálizderdiń jumys yrǵaǵyn kóterý; «Kerýen-Saraı jobasy», «Bir Belbeý Bir Jol» jáne basqa da mańyzdy baǵdarlamalardy kelisý men júzege asyrý arqyly Jibek joly elderiniń arasyndaǵy yntymaqtastyqty jandandyrý; saýdadaǵy protsedýralardy ońtaılandyrýdyń túrli mehanızmderin qoldaný; shekarany asý protsedýralaryn odan ári jańǵyrtý, bar ınfroqurylymdy jetildirý, sondaı-aq kedendik tekseristerdiń joǵary tehnologııalaryn engizý belgilengen.  

Otyrysty aıaqtaı otyra, Ǵusman Ámirın kedendik ákimshilendirýdi ońtaılandyrýdaǵy jaǵymdy tendentsııany atap ótti jáne qatysýshylarǵa bul baǵyttaǵy tyǵyz yntymaqtastyq úshin alǵysyn bildirdi.