Jibek joly beketinde jolaýshylar bir aıda 4 márte esirtki alyp ótpek boldy

JІBEK JOLY. QazAqparat - Túrkistan oblysy boı̆ynsha memlekettik kirister departamentiniń málimetinshe , osy jyldyń qańtar jáne aqpan aı̆ynda Jibek joly keden beketinde shekaradan esirtki zatyn alyp ótpekshi bolǵan tórt oqıǵa tirkeldi, dep habarlaıdy QazAqparat.

Osy jyldyń 25 qańtarynda tirkelgen oqıǵa boıynsha «Jibek joly» keden beketinde departament qyzmetkerleri QR UQQ ókilderimen birlese tekserý barysynda 1977 jyly týǵan Ózbekstan azamatyn ustady.

Iisshil ıtterdiń kómegimen onyń shulyǵynyń ishinen aıyryqsha ıisi bar ósimdik kúdikti zat retinde tabyldy.

Al 8 aqpan kúni dál osy keden beketinde Ózbekstanǵa ótý baǵytyndaǵy jolaýshylar termınalynda tekserý kezinde qyzmettik ıttiń kómegimen 1960 jyly týǵan kórshi eldiń azamaty ustaldy.

Onyń syrt kıiminiń qaltasynan polıetılen paketine oralǵan jasyl tústi ıisi bar zat tabylǵan.

Sondaı aq 11 aqpan kúni «Jibek joly» keden beketinde taǵy osyndaı jaǵdaı bolǵan.

Departament pen QR UQK qyzmetkerlerimen birlese júrgizgen tekserý nátıjesinde 1981 jyly týǵan Mańǵystaý oblysynyń turǵynynan qaǵazǵa skotchpen oralǵan kúdikti zat tabyldy.

Osy kúni taǵy da esirtki tasymaldaýshyǵa qatysty oqıǵa tirkeldi.

Tájikstan Respýblıkasynyń azamaty ish kıimine jasyrylǵan esirtki zatyn shekaradan alyp ótpek bolǵan jerinen ustaldy.

Polıetılen pakettiń ishinde aq qaǵazǵa oralǵan jasyl tústi ıisti zat bolǵan.

Osy tórt fakti boıynsha júrgizilgen sot saraptama nátıjesinde bul zattardyń bári keptirilgen marıhýana, gashısh sekildi esirtki zattar ekeni anyqtaldy.

Qazirgi tańda joǵaryda atalǵan oqıǵalar boıynsha qylmystyq is qozǵaldy.