Jibek Qulambaeva Serbııadaǵy týrnırdiń chempıony atandy

ASTANA. QazAqparat - Qazaqstandyq Jibek Qulambaeva Serbııanyń Kýrshýmlııa-Banıa qalasynda ótken ITF W15 týrnıriniń jeńimpazy atandy, dep habarlaıdy QazAqparat tilshisi.

Álemniń 447-inshi, osy jarystyń 1-raketkasy J.Qulambaeva fınalda dúnıejúzilik reıtıngte 771-satyda turǵan grekııalyq Elenı Hrıstofımen bas júldeni sarapqa saldy.

Qazaqstandyq tennısshi 6:3, 6:1 esebimen senimdi túrde jeńiske jetti.

Sóıtip, Jibek Qulambaeva chempıondyq tuǵyrǵa kóterildi.

Eske sala keteıik, budan buryn Elena Rybakınanyń Rolan Garros týrnırinde 16 jastaǵy tennısshimen oınaıtynyn jazǵan bolatynbyz.

Sondaı-aq Jibek Qulambaeva Serbııadaǵy jarystyń fınalyna shyqty.