Jibek Qulambaeva Chehııadaǵy týrnırdiń jartylaı fınalyna joldama aldy

ASTANA. QazAqparat - Qazaqstandyq Jibek Qulambaeva juptyq synda Olomoýts (Chehııa) ITF W60 týrnıriniń jartylaı fınalyna shyqty, dep habarlaıdy QazAqparat tilshisi.

Jarystyń ekinshi raketkalary bolyp tirkelgen qazaqstandyq tennısshi latvııalyq Darıa Semenıstaıamen birge eki kezdesýin sátti ótkizdi.

Olar aldymen tartysty matchta rýmynııalyq Karola-Patrıtsııa Bejenarý - frantsııalyq Tıfanı Lemaıtreni joldan taıdyrdy - 6:4, 3:6, 14:12.

Búgin shırek fınalda chehııalyqtar Aneta Labýtkova - Ivana Sebestovadan basym tústi - 6:4, 6:2.

Qazaqstandyq-latvııalyq juptyń jartylaı fınaldaǵy qarsylastary keıin anyqtalady.

Budan bir apta buryn J. Qulambaeva Rımdegi osyndaı dodada chempıon atanǵan edi.

Eske sala keteıik, budan buryn Elena Rybakınanyń eısten álemde kósh bastaǵanyn jazǵan bolatynbyz.

Sondaı-aq, Aleksandr Nedovesov Shvetsııadaǵy jarystyń jartylaı fınalyna shyqty.