Jezókshelik prıtony bar qylmystyq top basshysyna «qamqor» bolǵan polıtseı 12 jylǵa sottaldy

NUR-SULTAN. QazAqparat – Jezókshelik prıtony bar qylmyskerdi qoldap, oǵan «qamqorlyq» kórsetýden aqsha tapqan aqtaýlyq polıtseı 12 jylǵa sottaldy, dep habarlaıdy QazAqparat tilshisi.

«Mańǵystaý oblystyq sotynyń qylmystyq ister jónindegi mamandandyrylǵan aýdanaralyq soty Aqtaý qalalyq polıtsııa basqarmasy Jedel-krımınaldyq bólimshesiniń jedel ýákili D.Aıbekovke úkim shyǵardy. Sot sheshimine sáıkes, burynǵy polıtsııa qyzmetkeri 12 jylǵa bas bostandyǵynan aıyryldy», - dedi QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov onlaın baspasóz máslıhatynda.

Onyń aıtýynsha, sottalǵan polıtseı óziniń qyzmettik jaǵdaıyn paıdalanǵan. Naqtyraq aıtqanda, qylmystyq top basshysyna jezókshelikpen aınalysý jáne jeńgetaılyq úshin prıtondar uıymdastyrýǵa, qyzmetin qamtamasyz etýge «qamqorlyq» kórsetken. Odan 3 mln teńge mólsherinde aqsha qarajatyn aldy degen kúdikke ilingen.