Jezqazǵanǵa bara jatqan júkti kelinshek poıyzda bosanyp qaldy

ASTANA. QazAqparat – 5 jeltoqsanda «Astana-Jezqazǵan» baǵytyndaǵy №66 jolaýshylar poıyzynyń brıgada qyzmetkerleri júkti kelinshekti poıyzda bosandyryp aldy. Bul týraly «Qazaqstan temir joly» AQ baspasóz qyzmetinen málimdedi, dep habarlaıdy QazAqparat tilshisi.

5 jeltoqsan saǵat 11:17-de «Astana-Jezqazǵan» baǵytyndaǵy №66 jolaýshylar poıyzynyń brıgada qyzmetkerleri sábıdiń dúnıege kelýine kómektesken.

Jubaıymen birge Qaraǵandydan Jezqazǵanǵa bara jatqan júkti jolaýshynyń tolǵaǵy bastaldy.

Vagonda bosanǵan áıelge kómek kórsetý úshin barlyq qajetti jaǵdaı jasalǵan.

Poıyz bastyǵy nusqaýlyqqa sáıkes poıyz júrgizýshisine habarlap, jaqyn mańdaǵy stantsııaǵa jedel járdem shaqyrdy.

«Jezqazǵan stantsııasyna kelgen soń jolserikter anasyn qyzymen birge jedel járdem qyzmetkerlerine tapsyrdy. Jas ata-ana jańa týǵan náresteniń esimin Araı dep qoıdy», - delingen kompanııa habarlamasynda.