Jezqazǵandaǵy JEO-ny jóndeý jumystary yrǵaqty júrip jatyr

QARAǴANDY. QazAqparat - Jezqazǵandy jylytý maýsymyna daıyndyq jumystarynyń barysy qala ákimi Qaırat Begimovtiń tóraǵalyǵymen ótken shtab otyrysynda talqylandy, dep habarlaıdy Qaraǵandy oblysy ákiminiń resmı saıty. 

Bıylǵy jyly JEO qurylǵylaryn jóndeý úshin 2 mlrd teńgeden astam qarajat bólingen.

Kásiporyn basshylyǵynyń aqpraty boıynsha, JEO-da jóndeý jumystary kesteden qalys qalyp jatqan joq. 8 qazandyq pen 3 týrbınany jóndeý josparlanǵan. 

«Jezqazǵan qalasyn jylýmen, sýmen jabdyqtaý kásiporny» AQ jalpy somasy 1,5 mlrd teńgege 28,7 shaqyrym ınjenerlik jelilerdi jóndeýdi josparlap otyr. Injenerlik jelilerdi jóndeýge eki merdiger mekemeler jumyldyrylǵan: «Kenes-Qurylys LTD» JShS, «Nurly- tabys» JShS. 
Qala ishindegi jelilerdi qalypqa keltirý jumystary júrgizilýde, Buǵan respýblıkalyq bıýdjetten 610 mln teńge bólingen. Qazirgi tańda 11 shaqyrym salynǵan. Buǵan qosa, Talap aýylynyń sý qubyry magıstralin qalypqa keltirýge oblystyq bıýdjetten 173,5 mln teńge bólingen. Jáne de bul magıstraldiń 9,5 shaqyrymy salynǵan.

Sonymen qatar sharýashylyq-aýyz sý tazartý qurylystaryn qaıta qalypqa keltirý jumystary da júrgizilip jatyr. Bul baǵyttarǵa 167,6 mln teńge bólingen.

Jezqazǵan JEO 1954-shi jyly iske qosylǵan. Munda 8 energetıkalyq qazandyqtar men 4 týrboagregat jumys isteıdi. Stantsııada jabdyqtardy jańǵyrtý júrgizilýde. 2018 jyldyń shildesinde jańa týrbına iske qosyldy.

Bekitilgen elektr qýatylyǵy - 202 MVt, jylý qýattylyǵy - 540 Gkal/saǵ. Kásiporynda 628 adam jumys isteıdi.