Jezqazǵandaǵy sý qoımasyna kishkene bala batyp ketti

JEZQAZǴAN. QazAqparat – 4-5 maýsym aralyǵynda Jezqazǵan qalasynda balalarǵa qatysty 2 qaıǵyly oqıǵa tirkeldi, dep habarlaıdy QazAqparat Qaraǵandy oblystyq TJD baspasóz qyzmetine silteme jasap.

Eki qaıǵyly oqıǵa kezinde kámeletke tolmaǵan 2 bala qaza taýyp jáne 1 bala jaraqat aldy.

«Birinshi jaǵdaıda Keńgir sý qoımasynyń jaǵalaýynda bolǵan. Sýǵa batyp ketken 2 jasar balany týystary alyp shyqqan. Keıin ony medıtsınalyq mekeme jetkizgen, alaıda balany qutqaryp qala almady.
Ekinshi oqıǵa qaladan alys emes 60 razezdge jaqyn jerde respýblıkalyq mańyzy bar Qyzylorda-Pavlodar tasjolynda boldy. Jasóspirimder mingen mototsıkl jeńil kólikke soǵyldy. Saldarynan mototsıklde otyrǵan 1 bala qaıtys bolyp, ekinshisi jaraqat alyp, medıtsınalyq mekemege jatqyzyldy», delingen habarlamada.

Jezqazǵan qalasynyń Tótenshe jaǵdaılar basqarmasy ata-analardan - balalardy qaraýsyz qaldyrmaýdy, kámeletke tolmaǵandardy sý aıdyndarynda eresekterdiń qaraýynsyz shomylýyna jol bermeýdi, balalarǵa kólik quralyn júrgizýge ruqsat bermeýdy suraıdy.
«Balalarǵa qarapaıym qaýipsizdik erejesin saqtaýdy túsindirińiz, olarǵa turmysta, kóshede jáne t.b. jerlerde qaýipsizdikti saqtaýdy úıretińizder. Balalar qaýipterdi bile bermeıdi, sondyqtan kóbinese qaıǵyly oqıǵalarǵa jıi tap bolady.
Esińizde bolsyn! Sizdiń balalaryńyzdyń qaýipsizdigi sizdiń qolyńyzda», delingen eskertýde.