Jezqazǵandaǵy saılaý ýchaskesinde Exit poll ótkizilýde

JEZQAZǴAN. QazAqparat –Jezqazǵanda Halyqtar dostyǵy jáne mádenıeti úıinde ornalasqan №233 saılaý ýchaskesiniń aldynda Exit poll ótkizilip jatyr, dep habarlaıdy QazAqparat.

«Exit poll» - sózbe-sóz aýdarǵanda «shyǵaberistegi saýalnama» degendi bildiredi. Ekzıtpol - bul álemdik tájirıbede paıdalanylatyn, daýys berýden keıin saılaý ýchaskelerinen shyǵaberiste azamattarǵa júrgiziletin saýalnama. Ony áleýmettik qyzmetter júrgizedi.

Ekzıtpoldyń negizgi mindeti – saılaý nátıjesin jedel boljaý jáne elektorat týraly statıstıkalyq málimetterdi jınaqtaý.

Saılaý ýchaskelerinen shyǵatyn azamattardan (anonımdi túrde) olardyń kimge daýys bergeni suralady. Daýys berýshilerdiń kópshiliginde jalǵan aıtýǵa negiz joq degen boljamǵa súıene otyryp, mundaı saýalnamalardan alynǵan málimetter daýys berýdiń resmı jarııalanǵan derekterimen tekserý úshin qoldanylady.

Exit poll aqparattyq (jurtshylyqty saılaý nátıjelerimen aldyn ala tanystyrý) jáne baqylaý (saılaý nátıjelerin qasaqana burmalaý múmkindigin barynsha azaıtý) fýnktsııalaryn oryndaıdy.