Jezqazǵanda qoǵamdyq oryndy lastaǵandarǵa baqylaý kúsheıýde

<p>ASTANA. KAZINFORM — Jezqazǵanda qoǵamdyq qaýipsizdik pen tártipti qamtamasyz etý maqsatynda 916 beınekamera qosylǵan. Bul týraly Ulytaý oblysynyń ákimdigi málimdedi.</p>

Bul tehnıkalyq quraldar zańbuzýshylyqtardy anyqtaý jáne olarmen kúresýge úlken múmkindik beredi. 

Polıtsııa basqarmasy jyl basynan beri beınekameralardyń kómegimen qoǵamdyq oryndardy lastaǵan azamattardy anyqtaý boıynsha belsendi jumys júrgizýde. Nátıjesinde qoǵamdyq oryndy lastaǵan 495 azamat ákimshilik jaýapkershilikke tartyldy.

«Sonymen qatar, jol erejelerin buzǵan júrgizýshilerge qatysty da sharalar qabyldaýda. Búgingi kúnge deıin 900-den astam kólik júrgizýshisi jol qozǵalysy erejelerin buzǵany úshin jaýapkershilikke tartylǵan», — delingen ákimdik habarlamasynda.

Buǵan deıin jezqazǵandyq bilim bólimi birneshe balabaqshanyń tıisti qarjysyn tólemegeni anyqtaldy.