Jezqazǵanda qarajattyń jetpeýinen 2 jylý qazandyǵyn jóndeý kelesi jylǵa qaldy

<p>Astanadaǵy Ortalyq kommýnıkatsııalar qyzmetinde ótken brıfıngide Ulytaý oblysynyń ákimi Berik Ábdiǵalıuly Jeqazǵan qalasynyń qysqa daıyndyǵy týraly málimet berdi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Jyldyń basynda «Qazaqmys Energy» jóndeý jumystaryna 2,5 mlrd teńge bólgen bolatyn. Onyń jetpeıtini anyq. Sondyqtan olar «Tarıf ornyna ınvestıtsııa» baǵdarlamasy boıynsha qarajat kólemin 11 mlrd teńgege kóterdi. Jylý qazandyqtaryn jóndep, aýystyrý, jańǵyrtý jumystary júredi. Qazir tórt qazandyq jumys istep tur. Taǵy eki qazandyqty bıyl jańartýymyz kerek bolǵan. Biraq qarjy jetpegendikten kelesi kóktemge qaldy. Bul – segizinshi qazandyq. Al onynshy qazandyq tolyǵymen jańartylǵan. Eger 8 qazandyqtyń ekeýi jańartylsa, jylý tapshylyǵyn tolyǵymen jabamyz», – dedi óńir basshysy.

Ákim salaǵa jaýapty mekemeler jóndeý jumystaryn baqylaýda ustap otyrǵanyn eske saldy.

«Bizdiń de kózimiz jetip otyr. «Qazaqmys Energy» kompanııasy da jylý maýsymy turaqty bolady dep kepildik berýde. Ótken jylý maýsymynyń qıyndyqtaryn eskerip, jyl boıy búkil qalany qoparyp shyqtyq. Sonyń bári jylý maýsymyn turaqty ótkizý úshin jasaldy», – dedi Berik Ábidǵalıuly.